Лезги хуьре гьар са к1вале
Даим мехъер, шад мел хьурай.
Берекат жер пак тир чиле
Кьулан вац1ук гур сел хьурай.
Шагьдин винел элкъвез лекьер
Абруз чипин шадвал хьурай.
Пара хьуй чаз уба - хуьрер
Гьар са хуьре шадвал хьурай.
Чи к1валера шад суфрадал,
Иблисдин гьич ял тахьура!
Шад къубан хьуй чи халкь санал
Дуьньяд винел къал тахьурай!
И Тачираз к1ан я ватан
Чи деврандал ч1ал тахьурай,
Дустар, ватан-рик1ин дарман
Чарабурун ял тахьурай!
Рубрика
Добавить комментарий