Жасмина...

Ви хъсанвилер гьисаб жедач тупIарал:
Сес ширин я, мез виртIедин дад авай,
Билбилди хьиз тухуз вуна гафарал,
Жасмина руш, вун зи рикlе фад авай.


Вун гъед хьана кIанзавай заз цавара,
Ваз килигиз ачухдайвал гуьгьуьлар,
Гьеле къуват амазма зи лувара,
Зун варз хьана жедай патав цаварал.


Октябрь вацра вун дидедиз хьанава,
Лугьудач за, цуькведиз ухшар я вун,
Сад Аллагьди ваз иервал ганава,
Агакьнавай са емишдин тар я вун.


Шиирдал лугьуз хъсанвилер рикlевай,
Лугьумир хьи, и чIал гьакIан тариф я.
Вун паталди рикl акъудда хура авай,
Уьмуьр икьван куьруь хьунни гьайиф я.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.