Диде

Зи дидеди кварце аваз
Булахдилай яд гъида.
Зани зверна фена, гъил кьаз,
Жуван диде шад ийида.

Ширинди я булахдин яд -
Жемина цуз, хъухъ жуваз.
КIантIа хьурай зегьем тир гад,
Яд акъвазда къай чIугваз.

За, дидедиз куьмекар гуз,
Верчериз твар вегьеда;
Кьурукайни пичина куз
ЦIам-кIарас гваз хкведа.

Ахъайда нянихъ ада
Яргъи-яргъи хкетар.
Са келима ахъайдач за,
Заз хуш я и суьгьбетар.

Зун гъавурда гьат тавур гаф
Жузада за дидедивай.
Заз зи диде кIанда гзаф.
КIанда вилин нинидилай.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.