Перейти к основному содержанию

Дидедин ч1ал

Терг ийизва кьакьан дагъдиз,
Тепе лугьуз лекьери.
Цуькведавай ч1алан багъдиз,
Т1уш гузва къе мекьери.

Вучиз рик1е туьхъуьзава
Хайи ч1алан ц1аяр чи?
Югъ - къандивай т1имил жезва
Муьгьуьббатдин паяр чи.

Ч1ал – миже я дидейрин
Михьи, гьалал нек1един.
Азадвилин женгера
Чи бубайрин гьекьедин.

Шарвилидин ч1ал я им
Майдан к1елай душмандиз.
Чи Эминан ч1ал я им
Тан тийин ам пашмандиз.

Ч1ал – тарихдин ц1аярай
Сагъ акъатай дарамат.
Къе адаз къайгъу тахьун
Тушни ч1ехи аламат?

Бадеди зи дидедиз
Аманат яз гана ч1ал.
Зи буржи – вахкун я ам
Зи балайрив авайвал.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.