Перейти к основному содержанию

Хьайи крар кьезилвилиз элкъуьриз

Хьайи крар кьезилвилиз элкъуьриз,
Мад зи рекьер кьазва вуна, азизди,
Гьа сифте хьиз рикI тIанур хьиз ифириз,
Дамаррай экв хъвазва вуна, азизди.

Четин я хьи, шиир бахшун рушариз,
КъакъатайтIа, гьикIда, вучда лугьуда.
Гьахьда хиял мензил атIуз яргъариз,
Гьар гафуни кьарайсузвал вугуда,

Бахтаварвал, эхь, уьмуьрдин шадвал я.
Им гьа ваз хьиз зазни чида, азизди.
Къадир техвей бахтаварвал са тIал я, -
Нин рикIелай а тIал фида, азизди.

Зун акурла, чинал гъилер эцигиз,
Килигдай хьи вун тупIарин арадай,
Гьар сеферда рикIел денгер илигиз,
Фикирдай на: ашукь ятIа хатадай?

Къе бахтавар уьмуьрдиз вуч лугьун за,
Эхир тежер чIалар тирла, азизди?
РикIяй рахай шиирдиз вуч лугьун за,
Адан ашкъи ви тIвар тирла, азизди?

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.