Зи Лезгистан, хайи макан!
Гуьрчег, гуьзел к1ани Ватан!
Агъзур сефер тикрарайт1ан,
Галат тежер гафар зи чан!
Ахъагъайла газет, журнал,
Интернетдин сайтрин к1ват1ал,
Ви тарифдин и ц1арари
Ифирзава дамард иви.
Турбур Ватан вахтуналди,
Хушуналди, гужуналди
Къакъатайбур ерийривай
Тух жезвач ви манийрикай!
Лезги чилин накьвадин ц1ир,
Цуьк авурла чк1из атир,
Экъеч1айт1ан къариблухда,
Рейгьан жезва ви къурухда.
Муьт1уьгъ я чун, диде Ватан,
Ви къуватдиз, ийиз гьейран,
Галч1урзавай мукьва-яргъа,
Ваз вафалу арха-стха.
Рубрика
Добавить комментарий