Яд уьлкведиз акъатайдан мани

Ватан, ватан, азиз ватан!
Къум туп1алай ийизва за
Ви шим рик1ел атайла.
Гум къанихдиз фит1инзава,
Ви ким рик1ел атайла.

Ватан, ватан, азиз ватан!
За чепедкай Дагъларзава
Ви дагъ рик1ел атайла.
Къавахрикай багъларзава
Ви багъ рик1ел атайла.

Ватан, ватан, азиз ватан!
Дат1ана мурк ава рик1е
Кьилел кудай рагъ алаз.
К1вал ава захъ, амма пип1ел,
Налугьуди, ч1агь ала.

Ватан, ватан, азиз ватан!
Рушар бул яз гьар са жуьре
Захъ заз к1ани свас авач.
Жуваз хуш тир лацу, жегьре
Генже алай кас авач.

Ватан, ватан азиз Ватан!
Недай фуа (низ чидай тир)
Кьвед-пуд т1еам гудайди.
Эй, ватандин ризкьид атир,
Вахъ ик1 зи рик1 кудайди!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.